पोखरा विश्वविद्यालय, स्वास्थ्य विज्ञान संकाय, स्कुल अफ हेल्थ एण्ड एलाईड साइन्सेजले शैक्षिक सत्र २०२६ मा चिकित्सा शिक्षा आयोगको स्नातक तहको प्रवेश परीक्षाबाट छनौट भई स्नातक तहका कार्यक्रमहरुमा भर्ना भएका नव आगन्तुक विद्यार्थीहरुको लागि अभिमुखीकरण कार्यक्रम मिति २०८२/१२/१९ गते पोखरामा सम्पन्न गरेको छ । पानसमा दिप प्रज्वलन गरी औपचारिक कार्यक्रमको समुउद्वघाटन गर्नु भएका प्रमुख अतिथि पोखरा विश्वविद्यालयका रजिष्ट्रार सह प्रा. डा.अजय थापाज्यूले विद्यार्थीहरुलाई विश्वविद्यालयका भावी उद्देश्य, सञ्चालनमा रहेका कार्यक्रमहरु तथा शैक्षिक सुधारका प्रयासबारे महत्वपुर्ण भनाई राख्नु भएको थियो । कार्यक्रमका विशेष अतिथि तथा स्वास्थ्य विज्ञान संकायका डीन प्रा.डा. विष्णु राज तिवारीज्यूले गुणस्तरीय शिक्षा प्रवाह गर्ने संस्थाको उदेश्य सामुहिक प्रयासबाट मात्रै सम्भव रहने हुदाँ सबैसँगको सहकार्य, समन्वय आवश्यक रहेको र जिवनका आरोह र अवरोह हरुलाई पनि विद्यार्थी जिवनको महत्वपुर्ण सिकाइको रुपमा लिनु पर्ने बताउनु भयो । कार्यक्रममा गण्डकी प्रदेश स्वास्थ्य मन्त्रालयका अतिरिक्त सचिब खिम बहादुर खड्काज्यूले अवको विश्वविद्यालयको शिक्षा खोज अनुसन्धान, सिप र व्यवहारिक जिवनमा केन्द्रित रहनु पर्ने धारणा राख्नु भएको थियो । कार्यक्रममा अतिथिहरु प्रा.डा महेन्द प्रसाद भट्ट, नेपाली सेना स्वास्थ्य विज्ञान संस्थान, राजु पाण्डेय परीक्षा नियन्त्रक, परीक्षा नियन्त्रण कार्यालय, पोखरा विश्वविद्यालय, सन्तोष कुमार गुप्ता, निर्देशक, विद्यार्थी कल्याण एवं अक्तिरिक्त कृयाकलाप निर्देशनालय, पोखरा विश्वविद्यालय, सह.प्रा कमला राना ,प्रमुख नसिङ्ग प्रशासक, पोखरा स्वास्थ्य विज्ञान प्रतिस्ठान, श्री चन्द्र बहादुर खत्री, फिजियो थेरापी अधिकृत, प्रादेशिक अस्पताल गोर्खा, राकेश सिह, रेडियोग्राफ्री अधिकृत, पोखरा स्वास्थ्य विज्ञान प्रतिस्ठान लगायतका बक्ताहरुले आ–आफ्नो धारणा सहित नव आगन्तुक विद्यार्थीहरुलाई शुभकामना व्यक्त गर्नु भएको थियो । कार्यक्रम सभाध्यक्ष तथा स्कुल अफ हेल्थ एण्ड एलाईड साइन्सेजका निर्देशक डा.तुल्सीराम भण्डारीज्यूले विद्यार्थीलाई सिकाईको दायरा फराकिलो बनाउदै सिकाई केबल पुस्तकमा मात्रैै सिमित नराखी नवप्रवर्तन र खोजमुलक कार्यमा अगाडि बढ्न आग्रह गर्नु भएको थियो । कार्यक्रममा पदाधिकारीहरु, प्राध्यापकहरु, कर्मचारी तथा विद्यार्थीहरुको बाक्लो उपस्थिति रहेको थियो । कार्यक्रमको सञ्चालन उप–प्राध्यापक सपना भण्डारी र मनोज भट्टले गर्नु भएको थियो ।
