पोखरा विश्वविद्यालय, स्वास्थ्य विज्ञान संकाय, स्कुल अफ हेल्थ एण्ड एलाइड साइन्सेजले पौष ०९ देखि पौष १५, २०२५ सम्म ब्याचलर अफ फार्मास्युटिकल साइन्सेज अन्तर्गत तेस्रो वर्षका विद्यार्थीहरुका लागि औद्यौगिक भम्रण सम्पन्न गराएको छ ।विद्यार्थीहरुले ग्रेस फार्मास्युटिकल्स, पानस फार्मास्युटिकल्स तथा जाईडीन बायोटेक प्रा.लि.को भ्रमण गरी औषधी उत्पादनका विभिन्न चरणहरु जस्तै कच्चा सामाग्रीको स्रोतदेखि अन्तिम उत्पादन तथा प्याकेजिङ्गसम्मको प्रक्रियाबारे सिक्ने अवसर प्राप्त गरे। विद्यार्थीहरुले उद्योगको उत्पादन प्रक्रियामा प्रयोग गरिएका विभिन्न उपकरण तथा नयाँ प्रविधिहरु साथै गुणस्तर नियन्त्रणका लागि अबलम्बन गरिएका विभिन्न उपाय र नियमहरुका बारेमा समेत जानकारी लिएका थिए ।भ्रमणको क्रममा विद्यार्थीहरुले वन जङ्गल, नदि नाला, सिमसार, राष्ट्रिय निकुञ्ज त्यो भित्र खेल्दै गरेका वन्यजन्तुका मनमोहक दृश्य, बाटोमा पर्ने मठ मन्दिर, मानिसहररुका फरक-फरक जिवनशैली, सांस्कृतिक विभिधता, रहनसहन आदिलाई सम्झनाहका समृद्द सङग्रहमा बटुल्दै रमाईरहेका थिए ।पोखरा देखि सुरुवात गरिएको यात्रा पाल्पा, वुटवल, लुम्बिनी, नेपालगंञ्ज, बर्दिया, दाङ, चितवन हुदै पोखरामा आएर सम्पन्न भएको छ । रुपान्तरणकारी शैक्षिक प्रयासका रुपमा रहेको यो भम्रणको मार्गदर्शन पोखरा विश्वविद्यालय, स्कुल अफ हेल्थ एण्ड एलाइड साइन्सेजका उप-प्राध्यापक निम डी.सी.ले गर्नुभएको थियो । भम्रणले विद्यार्थीहरुमा फार्मास्युटिकल्स उद्योगको बारेमा ज्ञानको दायरा बढउदै शैक्षिक तथा व्यैक्तिक विकासमा टेवा पुग्ने अपेक्षा गरिएको छ ।
